琴晚我極無助~個頭痛到發出吱吱聲~雖然係慣左頭痛, 但琴晚真係想喊...勁辛苦~仲要食左藥都訓唔到~咁我就呆等~等到夠鐘食第2次藥啦~順個便探探熱~仍然係36度冇事~咁死番上床吧啦~第2朝7點幾要起身~今朝呢~又趕頭趕命~唯一開心既係琴日買左既MAKE UP BASE唔錯, 幾好用~!

唔小心支持港鐵到做狂熱份子~葵芳去柴灣~第一次上朋友間公司~好懷念既機房聲~柯式印刷~個朋友仲未番~我又要由柴灣送貨去金鐘~再番柴灣~本黎以為D貨已經好重, 點知黎緊呢貨先係堅野~同朋友由柴灣再去銅鑼灣~再番柴灣~等下playboy,去下銀行等下人先再食lunch(三點至四點)~飲茶~最後同playboy由柴灣去尖咀派野~

本黎成日心思思想倒數~但今日做野果時直頭好憎大節日!!!阻住曬我做野~上OFFICE, D 人又早收~MTR又多人~見到D人扮到靚靚咁走出OFFICE, 我就著得普普通通咁拎住D SAMPLE, 好唔開心~放工我唔肯搭巴士既代價係要兜一個大圈陪playboy過西鐵站先自己死過去港鐵站~哎~~~好想即刻囡低~尖咀...番近D果個屋企得唔得...

倒數 landmark, 今日我已經去左幾個~就計時代廣場都去埋~感覺好怪~日光日白望住D倒數萍果~哼~數數數...睇你地班野數完點番屋企~

唔鐘意慶祝節日既人, 應該好好珍惜我呢D識諗既人~